Марк Шателворт, основачот на компанијата одговорна за Ubuntu,
најави дека најпопуларниот Linux десктоп оперативен систем конечно ќе биде достапен и за Android.
Ubuntu за Android својата официјална премиера ќе ја има наредната недела на конференцијата Mobile World Congress во Барселона.
Ubuntu за Android ќе овозможи даден паметен телефон да се приклучи во било кој монитор и со тоа автоматски да се добие Ubuntu десктоп со сите локални апликации кои работат истовремено со Android.
Ubuntu за Android ќе го користи Unity интерфејсот и ќе вклучува добро познати апликации, меѓу кои ќе бидат Chromium, Google Calendar, Google Docs, Thunderbird, Gwibberm, VLC, како и Ubuntu музички плеер и Ubuntu фотогалерија.
Ubuntu за Android ќе работи на Android 2.3 Gingerbread, но и на понови Android верзии. Се разбира за да може да се користи потребно е паметниот телефон да има дуал кор процесор со 1GHz, видео акцелератори: Open GL, ES/EGL, простор од 2GB, HDMI, USB и 512MB RAM.