Прочитано 154 пати
0 коментари
05.12.2011 11:50
Samsung доби уште една судска битка против Apple
Samsung доби уште една битка против Apple, откако американската компанија не успеа да го убеди американскиот суд привремено да ја блокира продажбата на паметните телефони и таблет компјутери на Samsung.
Со одлуката донесена во петокот, Samsung може да продолжи да ги продава своите производи Galaxy S 4G, Infuse 4G, Droid Charge, и Galaxy Tab 10.1. Apple во април поднесе тужба, обвинувајќи го Samsung за прекршување патенти, вклучувајќи го крадењето на дизајнот на iPhone и iPad.
Неодамна и австралискиот суд ја поништи претходната одлука според која на Samsung му беше забрането да го продава својот таблет компјутер Galaxy Tab 10.1 во Австралија, иако оваа забрана ќе трае до 9 декември.