Од Symantec во Microsoft

Џон Томпсон е новиот член на управниот одбор во Microsoft. Томпсон бил CEO на компанијата Virtual Instruments и поранешен претседател и CEO во Symantec.

Томпсон работел и во IBM на позиција за продажба, маркетинг и развој, а бил и генерален управител на компанискиот американски оддел. Едно од позначајните достигнувања на Томпсон е брзиот раст на Symantec. За десетгодишниот период (од 1999 до 2009 година) додека „шефувал“ во Symantec, годишните приходи на компанијата пораснале од 623 милиони на 6,2 милијарди долари а бројот на вработени се зголемил на 17.500 луѓе. Symantec го напушти минатата година.

Џон Томпсон работел и во многу јавни институции како што се Financial Crisis Inquiry Commission, National Infrastructure Advisory Committee и Silicon Valley Blue Ribbon Task Force on Aviation Security and Technology.

Топмсон е инаку десеттиот член во управниот одбор на Microsoft во кој веќе членуваат и Бил Гејтс како претседател, Стив Балмер како CEO, Дина Даблон (поранешен CFO во JPMorgan Chase & Co.), Рејмонд В. Џилмартин (поранешен претседател и CEO на Merck), Рид Хастингс (основач, претседател и CEO на Netflix), Maриja M. Клу (претседателка на Harvey Mudd College), Дејвид Ф. Маркуард (генерален партнер во August Capital), Чарлс Х. Носки (потпретседател на Bank of America) и Хелмут В.Г. Панке (поренешен претседател на BMW).