Според
Cnet, Microsoft наводно води преговори со водечките музички издавачки куќи во врска со стартување на нова музичка услуга наменета за Xbox и Windows Phone.
Сега за сега уште не е прецизирано како оваа услуга ќе се разликува од Zune Music Pass, која моментно е достапна за корисниците на Xbox. Наводно преговорите со издавачките куќи се уште се во прелиминарна фаза, па сигурно уште ќе се договараат деталите за новата услуга.
Од Microsoft се надеваат дека услугата ќе ја стартуваат оваа година, а разгледуваат и опции за партнерство со HTC и Nokia кои би требало да ја нудат таа музичка услуга на своите мобилни телефони.
Уште нема официјални коментари од Microsoft за овие гласини.