Microsoft планира да ја продолжи поддршката за корисничките верзии на Windows 7 и Windows Vista на плус пет години, изедначувајќи ја со поддршката за бизнис верзиите.
Microsoft претходно нудеше само пет години поддршка за корисничките верзии на своите оперативни системи, додека поддршката за бизнис верзиите е најмалку 10 години. Поддршката во првите пет години се вика „мејнстрим“, а во наредните пет години се вика „продолжена“ поддршка.
Пред горенаведеното продолжување, Microsoft требаше да има поддршка за Vista Home Basic, Home Premium, Starter и Ultimate до 10 април, 2012, но со новата политика поддршката ќе трае до 11 април, 2017. Поддршката за Windows 7 ќе трае до 14 јануари, 2020, наместо досегашниот датум 13 јануари, 2015. Windows XP ќе биде поддржуван до 2014.