ИТ компаниите често се исмеваат меѓу себе преку реклами. Најновата реклама на Samsung, за нивниот паметен телефон Galaxy S II, е најсвежиот пример за реклама која е целосно посветена на исмевање на конкурентниот произвот, во случајот iPhone.
Samsung на интересен начин ги исмева Apple фановите кои со денови чекаат во редици за да го купат новиот iPhone, иако веќе има многу подобар телефон, за кој не треба да се чека ред. Сигурно Apple наскоро ќе возврати, бидејќи таа територија не им е непозната.
Ова не е прв пат некоја компанија да се обиде да ги исмее Apple и нивниот iPhone. Blackberry за својот прв тачскрин паметен телефон направи реклама во која малина продира низ јаболко. Се разбира, Apple им возврати со соодветен одговор.
Кога станува збор за рекламирање на свој производ преку исмевање на конкурентен, Apple дефинитивно води. Во прилог можете да погледнете дел од Mac vs. PC рекламите, каде Apple на смешен и интересен начин го исмева Microsoft, а особено внимание е посветено на ужасната Vista
Apple не се единствените кои го исмеваат Microsoft и нивните производи. Google неодамна направи реклама за Gmail во која алудираат на тоа дека Hotmail е застарен сервис, споредувајќи го со веќе изумрени технологии. Microsoft одлично го возвратија ударот со не толку суптилна реклама, каде Gmail е претставен како поштар кој ги чита туѓите писма.