Според
Пол Ален, неофицијалниот Google+ статистичар, Google+ до сега има 62 милиони регистрирани корисници. Само во декември се имаат регистрирано 12 милиони нови корисници.
Во својот извештај Пол Ален има наведено дека дневно се регистрираат 625,000 корисници. Според оваа стапка на раст, до крајот на февруари Google+ ќе има 100 милиони корисници, а до крајот на 2012 може да има 293 милиони корисници.
Пол Ален очекува стапката на растење да се зголеми, и до крајот на 2012 Google+ да има 400 милиони корисници. Како причина за растење на стапката се наведува огромниот број на Android уреди кои се вклучуваат дневно, поточно 700,000 на ден.