Google минатата недела ја ажурираше апликацијата Google Maps за Android, каде има додадено нова опција која функционира на сличен начин како и Foursquare.
Станува збор за опцијата Leaderboard, која доаѓа како додаток на Google сервисот за чекирање Latitude. Leaderboard, исто како и Foursqaure, го прави чекирањето на некое место позабавно.
Latitude до сега можеше да се користи само за чекирање на различни места со цел да се сподели моменталната локација со пријателите. Новата верзија ќе им овозможи на корисниците со секое чекирање да освојуваат поени и да се натпреваруваат со своите пријатели.
Се очекува наскоро оваа опција да биде интегрирана во Google+.