Доколку сте како нас, најверојатно имате бројни сметки, со различни лозинки, на различни сајтови. За ефикасна работа, често му дозволуваме прелистувачот да ги памети, со што стануваме мрзеливи и не можеме да се сетиме на лозинките подоцна. Нормално постои можност лозинката да ја промените преку е-пошта (со опцијата forgot password) но има полесен начин.
За Firefox, одете на Tools, преку Options, па Security, изберете Saved Passwords, па Show Passwords. Од тука, можете да ги видите сите лозинки.
За Chrome, кликнете на Manage Saved Passwords, преку табот Personal Stuff, изберете го саканиот сајт од понудената листа и кликнете на Show.
За Internet Explorer можете да ги дознаете лозинките преку посебна софтверска апликација наречена IE PassVIew. Инсталирајте го програмот и лесно ќе ги дознаете сите претходно-запаметени лозинки за онлајн сметките до кои се пристапувало преку прелистувачот на Microsoft.
Од тука едно предупредување се наметнува само од себе. Доколку до еден компјутер пристапуваат повеќе лица, никогаш не ја избирајте опцијата за автоматско помнење на лозинките - во спротивно, како што видовте, лесно може да се дојде до нив.