Windows XP сè уште е застапен кај голем број компјутери, особено канцелариските, и со самото тоа сè уште имаат значаен удел на пазарот.
Од Microsoft објавија дека поддршката за Windows XP ќе трае уште 800 дена.
Компанијата ги потсетува бизнис корисниците дека е време да почнат да планираат и имплементираат нови оперативни системи. Сите оние кои не планираат надградба или со тоа имаат некаков проблем, компанијата им ги
нуди своите алатки со кои би се „снашле“ во миграцијата на Windows 7.
Windows XP е претставен во 2001-ва година, а според StatCounter моментално на пазарот, овој оперативен систем држи 36,44%. Windows 7, иако за само 10 месеци ги престигна корисниците на Vista, на глобално ниво дури неодамна го престигна Windows XP, па сега има 42,65% удел на пазарот.