Во интервју за
AllThingsD Стивен Синофски објави неколку дополнителни информации за Windows 8 на ARM архитектурата. Internet Explorer 10 нема да поддржува Flash.
Според неговите зборови, Internet Explorer на уредите базирани на ARM нема да поддржуваат Flash, а ниту останатите plug-in-и за „комплетно“ интернет искуство.
Windows 8 базирани на x86 архитектурата ќе поддржува Flash, нo само во десктоп интерфејсот, не и во Metro апликациите. Во согласност со новата политика на компанијата, авторите на содржините на интернет, како и корисниците се „пренасочуваат“ кон универзалните стандарди како што e HTML5.
Microsoft неодамна на својот
блог објави дека Windows 8 на ARM ќе има пристап и до класичниот десктоп интерфејс. Иако тоа беше познато и од порано, можеби не толку јасно, Синофски сега потврди дека на уредите со ARM, покрај вградените компоненти на Windows, ќе можат да се работи уште и на Word, Excel, PowerPoint и OneNote.
Иако целта на Microsoft e паралелно лансирање и на двете верзии на Windows 8, Синофски сепак напоменал дека пред компанијата стои уште многу работа за комплетно подготвување на целиот PC екосистем.