Microsoft планира на 29 февруари да ја претстави јавната бета на новиот Windows 8.
Порталот за информатички технологии,
The Verge, открива дека Microsoft во јавната бета ќе вклучи неколку Metro апликации : Камера, Пораки, Календар, SkyDrive, Луѓе, Фотографии, Видео, Музика. Покрај овие апликации, во јавната бета најверојатно ќе бидат инсталирани и други апликации кои ќе можат да се ажурираат од Windows Store.
Апликациите Пошта, Календар, Луѓе и Пораки се главните апликации за комуникација во Windows 8 и нема да бидат брендирани со Windows Live. Апликациите за музика и видео сега ќе бидат брендирани како Zune, но пред официјалното пуштање на Windows 8 овој бренд ќе биде тргнат.
Windows 8 официјално треба да излезе некаде на средина од 2012 и ќе биде наменет и за таблет и десктоп компјутери, што значи дека ќе биде осетлив на допир, а ќе може да се користи и со глувче и тастатура.