SkyDrive, облакот на Microsoft, ќе добие своја десктоп апликација во новиот оперативен систем Windows 8. SkyDrive моментално има 17 милиони корисници во светот, а со неговото интегрирање во Windows 8, таа бројка инстантно ќе се зголеми.
Одговорните луѓе за SkyDrive, во официјалниот
блог за Windows 8, наведуваат дека со оваа апликација корисниците ќе ги имаат своите документи на различни компјутери во било кое време.
Интересно е тоа што SkyDrive апликацијата ќе овозможи директно во неа да се отвораат документи и секако директно да се зачувуваат. Исто така ќе биде овозможено документи директно да се споделуваат на Twitter, Facebook, MySpace и LinkedIn.
Корисниците ќе имаат 25GB бесплатен простор, додека макисмалната големина на еден документ што може да се закачи е 300 MB. Доколку корисниците сакаат поголем простор тогаш ќе мора платат 10 долари годишно за +20GB, 25 долари годишно за +50GB, 50 долари годишно за +100GB.
SkyDrive ќе има поддршка OpenDocument, документи и презентации од Office Web Apps, како и опција за скратување на линкови.