Microsoft Македонија организира интересен натпревар во кој се бара од натпреварувачите да развијат иновативна Windows Phone 7 апликација. Овој натпревар претставува одлична шанса за младите програмери да ја испромовираат и објават својата апликација, а истовремено можат и да освојат некоја од интересните награди.
Натпреварот е веќе започнат, меѓутоа трае до 15 април, што значи дека има доволно време за пријавување на интересни и иновативни Windows Phone 7 апликации. Оценувањето на пристигнатите проекти ќе се врши од 22 април до 1 мај. Во овој период сите завршени проекти ќе бидат испратени во Windows Phone пазарот за апликации. Победникот ќе биде прогласен на 15 мај.
Прва награда, втора и трета награда е HTC Radar со Windows Phone 7 плус сертификат за освоено прво, второ и трето место.
Покрај наградите, најдобрите апликации ќе добијат можност да бидат промовирани во Windows Phone & T-Mobile рекламните кампањи вклучувајќи банери, јавни објави во медиумите, настани и социјални активности.
За сите заинтересирани кои сакаат да научат повеќе за платформата, Microsoft ќе организира бесплатен Windows Phone камп каде ќе може да се научи се што е потребно за развој и публикување на апликација за Windows Phone.
Организиран во два дена, исполнет со технички сесии за Windows Phone развој, поткрепени со практична работилница и засукување на ракавите и кодирање – спроведување на наученото на дело и изработка на апликацијата.
Настанот ќе се случува на 25-26 февруари во просториите на Факултетот за информатички науки и компјутерско инженерство (ФИНКИ), во зградата на Технолошкиот факултет.
За повеќе информации и пријавување на натпреварот и Windows Phone кампот посетете ја официјалната
страница на Microsoft и T-mobile.