Прочитано 397 пати
0 коментари
21.02.2012 19:40
Samsung има нови Galaxy Ace и Mini телефони
Samsung најави надополнување на својата линија паметни телефони од средна и ниска класа. Станува збор за наследници на веќе постоечките Galaxy модели Ace и mini.
Samsung ги откри спецификациите за новите модели Galaxy Ace 2 и Galaxy mini, во кои спаѓаат подобрени екрани, камери, повеќе простор, како и можност за мобилно плаќање.
Samsung Galaxy Ace 2 има поголем 3,8 инчен PLS екран со исто така поголема резолуција, 480 x 800. Овој модел исто така има 4GB простор, задна камера со 5 мегапиксели и предна VGA камера, дуал кор SoC процесор со 800MHz и ќе работи на Android 2.3 Gingerbread со TouchWiz.
Samsung Galaxy mini 2 исто така има поголем 3,27 HVGA инчен екран со резолуција 320 x 480, процесор со 800MHz, 4GB простор, камера со три мегапиксели и ќе работи на Gingerbread 2.3 со TouchWiz.
Galaxy Ace 2 прво ќе се појави во Велика Британија во април, додека Galaxy mini 2 први ќе биде достапен во Франција во март. Веднаш потоа овие модели ќе бидат достапни низ цел свет.