Прочитано 163 пати
0 коментари
28.11.2011 16:20
Samsung го пушти во продажба новиот Wave 3
Samsung конечно го пушти во продажба новиот паметен телефон Wave 3, кој беше најавен уште во август. Овој модел го користи оперативниот систем на Samsung, Bada. Овој модел веќе е достапен во Франција, а наскоро ќе се појави и на други пазари.
Wave 3 е тенок 9,9 mm, и има 1,4 GHz процесор, камера од 5 мегапиксели со авто-фокус и ЛED флеш, 512 MB RAM, 4GB слободен простор со можност за microSD. Wave 3 исто така вклучува Bluetooth 3.0, 802.11n Wi-Fi со поддршка за Wi-Fi Direct, и GPS.
Samsung Wave 3 исто така доаѓа и со интерфејсот на Samsung, Touchwiz UX, како и нивната платформа за комуникација ChatOn.
Интересно е тоа што Samsung произведува паметни телефони со дури три оперативни системи, Windows Phone, Android, и Bada, а наскоро таа бројка ќе скокне, кога ќе излезе оперативниот систем Tizen.
Иако има големиот број на оперативни системи и голема конкуренција, Bada продолжува да расте, земајќи 2,2 отсто од глобалниот пазар на оперативни системи, и со тоа надминувајќи го Windows Phone. Оттука може да се заклучи дека голема е веројатноста Wave 3 да биде уште еден успешен телефон на Samsung.