Според блогот
Pocketnow, LG подготвува наследник за својот прв 3D паметен телефон, Optimus 3D. Новиот модел наводно ќе биде потенок, под 10mm, и ќе има подобар авто-стереоскопски екран, како и појак процесор.
GSMArena објави дека најавениот наследник на Optimus 3D ќе се вика LG 3D MAX или Optimus 3D MAX. Овој модел ќе има 1,2 GHz дуал кор процесор, 4.3 инчен WVGA NOVA 3D екран со далеку подобра 2D-3D конверзија, камера со 5 мегапиксели за која не се знае дали ќе може да снима 3D видеа со 1080p резолуција, простор од 8GB, Wi-Fi, Bluetooth 3.0 и NFC чип за мобилно плаќање.
Optimus 3D MAX својата премиера треба да ја има на конференцијата Mobile World Congress во Барселона, која ќе се одржи наредниот месец, а во продажба треба да биде рано на пролет.