Хрватската компанија Socialnumbers, преку блогот
This is Not a Social Media Blog, објави инфографик за состојбата на Facebook во Македонија во изминатата година.
Според инфографикот, бројот на Facebook корисници во 2011 година во Македонија е 879540, додека бројот на службени Facebook страници (на компании и брендови) кое се присутни на овој медиум е 332.
Објавена е и ранг листа на ТОП 5 страници на Facebook, во кој статистиката покажува дека според бројот на фанови, фан страната на Unique Magazine го зазеде првото место со бројка од 234520 фанови, а talking about просекот покажува дека Femina е фан страницата која е број 1 на листата со бројка од 9957.
Socialnumbers нуди и категоризација на страниците во 5 категории и информира кои се ТОП 3 страниците по категории според бројот на фанови. Така, соодветно првото место во категоријата News and media му следува на порталот motika.com.mk, во категоријата Products - Dormeo, а во останатите категории BiFruit и VIVA.
(За подобар преглед отворете го инфографикот во ново јазиче)