2011 ќе биде запаметена и по исклучително добри RPG игри. Една од нив, меѓутоа, ќе се зборува со години, а сите игри ќе бидат споредувани со неа. Таква е моќта на...
Skyrim - 95 Metascore оценка
жанр: RPG
автори: Bethesda Game Studios
издавач: Bethesda Softworks
слични игри: Fallout серијалот, Gothic серијалот, Risen, Two Worlds, LOTR: War in the North
RPG игрите земаат сè поголем замав во последно време. Комплексниот систем кој постојано се менува со различни надградби, динамичен свет кој, исто така, се прилагодува на вашата воља и преубави, магични пространства кои преколнуваат да бидат истражени. Во тој поглед, многу RPG игри знаат како да ве заинтригираат да започнете втор, иако дигитален, живот.
Skyrim, меѓутоа, оди еден чекор понапред.
Skyrim е мистична сила која ве зграпчува за имагинацијата и не ве пушта сè додека не го истражите секое парче земја од огромната територија. Но, на место повторно да пишуваме за предностите и недостатоците на Skyrim, само ќе ве упатиме кон нашата
рецензија и веднаш ќе преминеме на останатите впечатливи наслови од овој жанр.
2. Deus Ex: Human Revolution
DE:HR е нашиот втор избор, иако со големи тешкотии го одстапи првото место на Skyrim. Со длабоката приказна, одличните меѓу-секвенци и уникатниот гејмплеј, Deus Ex: HR нуди неброени часови забава во научно-фантастична околина. Можеби играта се одвива во затворени простори, наместо отворен свет како кај Skyrim, но тоа не значи дека на секој проблем, дали е тоа од физичка или вербална природа, не можете да му пристапите на најмалку пет различни начини. Играта сјае во секој можен поглед и целосно се прилагодува на вашите ставови (агресивни, дипломатски и сл). Доколку завршивте со основната игра, не пропуштајте го совршеното DLC насловено како The Missing Link.
3. The Witcher 2
Одличен и исклучително мрачен RPG кој ќе ја плени возрасната публика со различните нелинеарни пристапи. Огромен свет, огромни одлуки и драстични последици. The Witcher 2 не се игра - The Witcher 2 се живее! :D
4. Two Worlds 2
Two Worlds 2 го направи она што ниедна друга RPG игра не успеја, а тоа е да понуди неверојатно комплексен систем за креирање и ослободување магии. Она што малку разочарува е разблажената приказна, особено нејзиниот крај, како и малата слобода при лошо-одглумените дијалози и решавањето на квестовите. Доколку ви се допадне основната игра, заиграјте го и проширувањето Pirates of the Flying Fortress.
5. Lord of the Rings: War in the North
Проблемот со оваа игра е тоа што повеќето гејмери предвреме ја осудија. War in the North не е карактеристична RPG игра и не треба првенствено да се оценува како таква. Ова е акциона игра со RPG елементи и доколку ви се допаѓа таквото нешто ве очекува исклучително долга ко-оп кампања, сместена во импресивни локации и бројни предизвикувачки непријатели. Добри можности за преигрување се отвараат поради уникатноста на трите класи со кои играте и различните надградби кои ги добивате. Наш совет е да не ги слушате нефер рецензиите. Играта има огромна вредност и дефинитивно заслужува Metascore оценка поголема од 68.
6. Dungeon Siege III
Солиден продолжеток на претходните два дела. Развивачите Obsidian Entertainment немаа многу среќа со нивните наслови (Alpha Protocol), но се исклучително вешти во правење туѓи продолжетоци (како KOTOR или Fallout: New Vegas).
Dungeon Siege III ја има имлементирано познатата hack and slash formula во впечатлива приказна и добро напишана/одглумена ко-оп кампања. Treasures of the Sun е првиот и, по сè изгледа, последниот DLC пакет за играта.
"Игра на годината" е мини серијал каде ги избираме најдобрите игри од највпечатливите гејмерски жанрови. Посетете нè и утре за да видите која игра ќе седне на тронот на FPS игрите.
Предходни текстови од овој серијал: