Office Mobile 2010 е пуштен во дистрибуција на Windows Marketplace, а сите корисници на Windows Mobile 6.5, кои имаат претходна верзија на Office Mobile, можат бесплатно да ја преземат надградбата. Канцеларискиот пакет го сочинуваат нови мобилни верзии на Word, Excel, PowerPoint, OneNote и SharePoint Workspace, наменети за рачни и преносни уреди. Новите апликации нудат touch-friendly изглед и поголеми можности за работа со документи на телефоните, изјави Augusto Valdez, постар маркетинг менаџер во Микрософт. Тој изјави и дека комбинацијата на Windows Mobile 6.5 и Office Mobile 2010 нуди големи предности, особено за напредните корисници и оние кои често патуваат. Со SharePoint Workspace Mobile 2010 и PowerPoint Mobile 2010 можам да пристапам кон одредена презентација, да ја уредувам и сочувам додека сум офлајн, знаејќи дека промените ќе бидат ажурирани на серверот, додаде Valdez.