На минатогодишниот Computex, AMD ја демонстрираше новата генерација графички процесори Evergreen, компатибилна со DirectX 11. Кон крајот на септември започна и продажбата на првите картички, а компанијата до сега испорачала преку 11 милиони примероци од овие графички чипови, тврди потпретседателот за маркетинг во компанијата, Leslie Sobon. Недостатокот на конкуреција и добрите перформанси придонесоа Radeon HD 5xxx да стане инстантен хит, а и од Microsoft истакнуваат дека преминот на корисниците на DirectX 11 е еден од најбрзите во историјата на преминувањата на нов графички API. AMD моментно има комплетна понуда на DirectX 11 чипови за сите пазарни сегменти за декстоп и преносни компјутери. Конкурентот Nvidia дури мај започна со масовни испораки на своите модели, а до сега испорача околу 400 илјади Fermi чипови.